في التأني السلامة وفي العجلة الندامة

واقفين في واحدة من الإشارات الجديدة اللي بتشتغل بالوقت ومع إن  جايبين  إشارات جديدة وشكلها حلو بس لسة في عساكر بيقفوا عشان الناس تقريبا مش هتلتزم برضو طب ليه جبناها بقى مش كنا نوفر فلوسها ل حاجة تانية ؟ بس مش هأقدر اعترض عالأتوبيسات الحمرا عشان شكلها عاجبني قوي وحسيت بسعادة شديدة أول مرة أشوف el-bus فيه وحسيت إن مصر لسة بخير ومتسألنيش علاقة الأتوبيس بـمصر!

ماعلينا مش موضوعنا دلوقتي  (: المهم جه موتوسيكل وقف قدامنا فـمكنش الراجل شايف الإشارة , شوية كده وقال للعسكري مش خلاص بقى الإشارة زمنها اخضرت قال له لأ لسة مخضرتش أنا شايفها, راح  الراجل باصص ورا بيحاول يشوف هو شيفها إزاي وبيقولوا  فين ده يا عم أنا مش شايف حاجة وقالوا حاجة بعدها مسمعتهاش فـرد العسكري هو اللي لذيذ قوي (: قال له أُمّال احنا عملنا الثورة ده ليه! وتف قشر اللب اللي في بقه  في الشارع…

 

عندك حق يا أخي وكلك حكم  احنا عملنا  أو خليني أقول “هما عملوها” عشان أنا مشاركتش  فيها أصلا وبيستفزني الناس اللي بيحبوا يضموا نفسهم للناس اللي نزلوا في التحرير وعملوا الثورة , هما عملوها بقى  عشان منكسرش اشارة المرور ونلتزم بيها ونبقى نتقابل يوم 25 يناير السنة اللي جاية عشان نعمل ثورة تانية نمنع فيها إن احنا نرمي حاجة في الشارع…أنتم عايزين كل حاجة مرة واحدة ولا إيه؟ مايصحش طبعا كل سنة وليها انجازاتها وكل سنة وانتوا طيبين يا شعب!!

Advertisements

1 Comment (+add yours?)

  1. mino
    Jun 28, 2011 @ 18:16:47

    hahaha gamda 😀

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to subscribe and receive notifications of new posts by email.

Join 136 other followers

%d bloggers like this: