طب و مالُه

 

حلو اما حاجة تقرر فاجئة إنها تحصلك… من غير ترتيب من غير تفكير من غير طب إفرض لو.
حاجة قررت تيجي في طريقك متقولهاش لأ و خليها ليه لأ أو متفكرش حتي تقولها إيه، إعملها و خلاص. مرة من نفسك يا سيدي!
مهما كانت صغيرة بتفرق, إسمع مني!
 
صحيح أنا عمالة أخطط لحاجات  مش هصدعكوا بيها بس من ضمنها إني عايزة أسافر بعد ما أتخرج و بحدد البلاد إللي نفسي أروحها و إن شاء الله أروحها. بقول عايزة أروح اليابان و بعديها أطلع عالأردن و أماكن تانية بفكر فيها و حاطة خطة بديلة إني ممكن أبقي مضيفة طيران كمان.
يمكن حاجة من دول تحصل يمكن لأ أدينا هنشوف.
 
طبيعي إنك تخطط لقدام بس ده مش معناه إن لو حاجة جاتلك زيادة علي خطتك تقولها لأ.
مين عارف مخبيالك إيه أو حتي لو مش مخبيالك ، ممكن تكون موجودة عشان تبسطك و بس من غير مغزي أو دروس مستفادة.
 
يلا أول حاجة تيجي في طريقك قولها فينك من زمان و خدها بالأحضان و كده يعني، حتي الحاجات إللي مش عالبال بتبسط أكتر!
 
سايد نوت: بحس إني جايبة كلام من كتاب رخيص أو تشيزي و بيكون في صوت شخصية متفائلة بزيادة قربت تقلب علي برامج أطفال بس كلام جيه علي بالي و حبيت أقوله أمري لله بقي! (:
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to subscribe and receive notifications of new posts by email.

Join 136 other followers

%d bloggers like this: